看著報新聞咧報「春美歌劇團」 ê 消息，著愛來 tshui-sak 怹九--月 ê 新戲《Khia-lô-hiong（伽羅香）》，埃及豔后 ê 愛情故事。 戲齣名號著嘛誠有意思，我聽郭春美影片宣傳講--ê，Khia-lô（伽羅）無放孔子白讀做「Ka-lô」，按算理路是對「khia/khiā-lâm-iâ（伽藍爺）、khia/khiā-lâm-sîn（伽藍神）」來--ê；「hiong（香）」放孔子白，無照「kî-lâm-hionn/hiunn（奇楠香）」 ê 理路，雖然講我會理解--得，總--是感覺減一味。 講著「奇楠香」，我著會想著《臺日典》內面 píng--tio̍h ê 用例：「tsāi-ka àu tshì tông, tshut ka kî lâm hiunn（在家漚刺桐，出家奇楠香）」，意思就是「近廟欺神」。我一直感覺講這句話愛唸做「kî-lâm-hiong」才有鬥句，毋知影是按怎唸做 hionn/hiunn。 ▶️ 春美歌劇團年度大戲《伽羅香》，重述埃及艷后與安東尼的史詩傳奇，郭春美、孫凱琳雙小生掛帥，與當家小旦簡嘉誼同台飆戲！ https://www.youtube.com/watch?v=N9bSD9fbo8A ▶️ 改編埃及豔后愛情史詩👑春美歌劇團《伽羅香》主演親揭角色原型與傳統戲曲詮釋巧思！ https://www.youtube.com/watch?v=7LnPhsyrMBA 🔗 無關政治！春美歌劇團受邀鍘美藝術節參演 孫凱琳霸氣喊：好，那就演 https://news.ltn.com.tw/news/Tainan/breakingnews/5544494